ديما صادق تردّ: أنت واحد "داعشي"

 ردّت الإعلامية ديما صادق عبرصفحتها على "فيسبوك"، على طالب في كلية العلوم في الجامعة اللبنانية أراد "ضرب البنت اللي لابسة مفتوح وتغطيها بالقوة"، بالقول "عزيزي طالب كلية العلوم في الجامعة اللبنانية اللي بدك "تضرب البنت اللي لابسة مفتوح و تغطيها بالقوة": انت واحد داعشي طبق الأصل. فيا ريت تبطل تدعي انك ضدهن. بس هيك".وأضافت "وردني "توضيح" (؟!) من ألطالب اللي بدو يضرب البنت اللي بتجي مفرعة عَل جامعة اللبنانية. قال هو ما قال بيضربها اذا إجت مفرعة قال بيضربها اذا إجت "من غير هدوم". و قال المعنى الاول شوه رسالته. طيب عزيزي الطالب اللي بدك تضرب زميلتك، من غير هدوم هو تعبير شعبي لنقول لَبْس مفتوح كتير، عشان مش ع علمي انه بحياتنا شفنا حدا بلبنان كليا بلا تياب. سابقة لم تحصل. و اذا حصلت عادة بكون هيدا تسجيل موقف، (يحصل كثيرا في الغرب و حصل في مصر و تونس). حتى بهل حالة مين اعطاك الحق بالاعتداء على الجسد والموقف وعلى حرية التعبير وعلى الحرية الشخصية، ولو اني أكيدة أنه من غير هدوم معناها هنا اللبس المفتوح جدا. فمرة اخرى، صديقي الطالب، حضرتك داعشي طبق الأصل، فحاج تدعي انك عّم بتحارب الاصولية. نقطة".وختمت صادق "هل هذا البوست بحاجة لتوضيح ايضا؟ لن نسمح؟ مين انت لتسمح؟! جامعاتنا؟ من قال انها لك؟! شوارعنا؟ صارت ملككم؟ واجبنا الديني والاخلاقي؟ أصبحنا في دولة دينية؟! أصدقائي هل لكم ان تشرحوا لي فرقا واحدا، واحدا فقط، بين ما هو مكتوب هنا وبين فكر الدولة الاسلامية في العراق وًالشام"؟