كيف رد الفنان باسم ياخور على نقد أحد متابعيه ؟!

ردّ الممثل السوري باسم ياخور على أحد متابعيه الذي انتقده على مصروفه وسفره الدائم.وكتب المتابع: “نيالك يا أستاذ معك مصاري بتروح وين ما بدك، أما نحنا ما معنا آجار سرافيس”.وردّ ياخور في تعليقٍ، وكتب: “والله أنا لا كنت وزير سابق لهطت وبلعت ولا كنت رئيس وزارة شفطت الأخضر واليابس ولا بيضت أموال ولا اشتغلت بتهريب الدخان ولا أتوظفت بالدولة”.وأردف: “ولا شحدت من العالم ولا اشتغلت بتجارة الحرب ولا استرزقت عالحواجز وطلعت غلة بالملايين ولا عفشت ولا طلعت مع تيار سياسي وقبضت باليورو”.وختم: “أنا زلمة اشتغلت وتعبت على حالي سنين ولهلق اذا بشتغل بصرف اللي بطلعوا كلو على حياتنا فبدل ما تعلقلي فوت فوتك يا قبضاي عبروفايلات الحرامية اللي معبيين البلد وفرجينا بطولاتك ونقدك اللذع هنيك يا غالي”.