شاركت الفنانة السورية سلاف فواخرجي جمهورها بمجموعة صور لها من إحدى صالات العرض الفنية.الفنانة السورية ارفقت الصورن على حسابها الخاص على موقع "انستجرام"، بتعليق قالت فيه: "رحلة دوران مع الذات في #جاليري#ألف_نون مع #الدراويش وال #الحبق #سلاف_فواخرجي #بديع_جحجاح".سلاف تعرضت لانتقاد شديد بسبب هذه الصور من إحدى متابعاتها على موقع "انستجرام"، حيث اتهمتها بعدم التأثر بوفاة زميلتها الفنانة دينا هارون، حيث كتبت: "يعني انا من معجبينك بس احتراما لوفاة زميلتك دينا هارون لازم ما حدا من الفنانين ينشر صورو وروحاتو وجياتو شي كم يوم عالقليلة ....ما بتأثرو الفنانين".الفنانة السورية ردت على هذا الانتقاد، بقولها: "مع انو مو من عادتي رد، بس كمان نسيتي امي وخالتي واختي وخالي وخالتي وعمتي وحماتي ، فقدت سبع اشخاص بفترة قريبة، وبالاخير زميلتي، وماعرفت كيف رجعت للحياة بالف صعوبة وبعدني عم اتعافى".وأضافت: "وماقصرت باتجاه زميلتي ولابيوم وبتوقع ما قصرت مع حدا، وحزني بقلبي ماعم يخلص ومو مضطرة قدم تبرير.. وأي زميل تضامن معي يوم حزني صدقته بالمطلق حتى لو راح واجا وعاش حياته، الحزن بالقلب مو استعراض، وبعدين مارحت حفلات صاخبة مثلا لتلوميني، واعتذرت عم كل شي في مهرجانات ومقابلات لاني مو قادرة اصلا ولحتى كمان ما اسمع هيك تعليقات سهلة بالنسبة الكم بس صعبة على غيركم.. وبتوقع انو عندي درجة من الحساسية والعالية جدا".وتابعت: "وبتمنى تقوليلي اذا في قواعد معينة للحزن ومدة معينة لاضحك ولا لنزل صورة ولا لاحضر فن تشكيلي ولا لارجع للحياة !!! خلينا نبطل نكون اوصياء، ونحس بالبشر.. بغض النظر فنان او شي تاني.. عندي حزن بيغطي الكرة الارضية والله يبعد عنك الحزن، بتسمحيلي حاول ابتسم ولو غصب عني، حاول عيش تفاصيل حياتي حتى ولو عم كذب على حالي.. او اكتب او اسمع غنية ؟ ولو كانت هالاشيا دوا لروحي بتسمحيلي عيش".يذكر أن الفنانة السورية دينا هارون قد وافتها المنية يوم الاثنين 8 أكتوبر عن عمر يناهز الـ 44 عامًا بعد معاناة طويلة مع المرض.
التاريخ - 2018-10-12 7:01 PM المشاهدات 811
يسرنا انضمامكم لقناتنا على تيلغرام : انقر هنا
