بتذكُر ... الشاعرة رندة رفعت شرارة

بتذكُر؟!~~~~بتذكُر بأيّام اللي كنّا زغارْ،حدودنا حيطان هاك الكَرْمْ..الحلم أوسَع من مدى...وحضن اللِنا فيِّة حجار الدارْ؟!ترابنا فرشِة، نجوم السّما ضوّ العتم،لحافنا مغزولبخيوط الشمس،وأيّامنا بتشرق متل آذارْ!بتذكر ما كنا نفترِق..نغفى عَ مفرق بيتكن،نوعى عَ مدخل بيتنا!!نلعب ما نتعب ..شي "دٓحٓل"، شي "ست سبع حجار"،ونْ طلع عَ بالنا شي نهار،نهربْ عتاني بلاد..نركب عَٓ طيارة ورق..نعبر الخمس بحَارْ..ونضحك، ما يخلص ضحكنا..ولا ينتهي المشوارْ!!يا ريتها بعدا الدِّنيلمحِة طفولة وولدنِةويا ريتها ما فرّقِت بيناتناولا صرنا بدفتر هالعمرتذكار عمْ يمرُقورا تذكار!!! "رندة رفعت شرارة"*** "الدَحَل" أو "الكلة" هي لعبة كروية صغيرة عادة ما تصنع من الزجاج أو الصلصال، وهي والسبع حجار من ألعاب الاطفال في القرىرندة رفعت شرارة ... شاعرة لبنانية