معقول ... ناصر حماد

معقول يوعى بالزّهِر تشرينمعقول إرجع عالمدى إهواكمعقول ينسى شرْدتو التخمينويتشهونو عْيوني على ملقاكمعقول يغفى عالصّبح أيلوليترك خريفو بالدّمع مبلولتذبل سنينو بْغصّة المخجولوإنسى مع النّسيان كفْ إنساكمعقول يبكي عالغصن عصفورومَ يظلّ للْشمْس الفجر ناطوروينسى النّدي يفرك جفن لزْهوروالحرف يقطع يا قلم محكاكمعقول تعطش لهفة الأمواجتجدّل خصل لغْروب شو وهّاجوِالرمل يشلح عن قميصو العاجوِالرّيح تسْها عن رسم ذكراكمعقول غمرة تعشق الفرقةوِالموقدة تصرخ من الحرقةوْعشّاق ينسو نظرة السرقةوِالشّمْع يهجر عيشة النسّاكمعقول مَ يظلّ الفكر خيّالوْما تفهم الوردة حكي الشلّال؟؟رحْ جاوبك قلبي إلك شو قال................................جْمَعْت الدّني مع مستحيل البالوْمعقول تشرد بالشّعِر وِتْقولمعقول؟؟!!مش معقول ما أغلاكشاعر لبناني