سلسله وقونِه ... الشاعر نعمان الترس

سلسله… وقونِهشكر بـِ وسع السَهل للقاع بـِ مهرجان الشعر العامي… شكراًللشاعرة هيام التوماسمي… انا كفّيت تلوينويوم اللّي هدّمتلُّن المتراسوهاك اللّي فَلّ مْضَبْضَب سنينونضّفت من عينو بيوت الناسولبنان عَيَّد مع محبّينواسمي القاع… شربت أوّل كاسصوت السما خمّرت تلحينووحبست بـ ضلوعي صدا القدّاسصبح الوطن تا يطلع جبينوخْزَقت العتم بيـ سيف مار الياسطيور الشتي عم يكتبو رفوفُنوينقّطو تلحين عَ كتابيويقرا المدا… رفّاتُن حروفُنوالغيم زَيَّح سطرُن ضْبابِهولادي أنا مغاوير عَ سْيوفُنلَمع البطوله مْدَهَّب تيابيوبالسِلم فلاّحين عم شوفُنشَمّو تراب مخَيَّط تيابيونُصّ غسلِه غَسّلو كْفوفُنتَـ يْضَلّ فوق كْفوفُن ترابيالقاع اسمي… بـ آخرو في سكونبيخرس الخوف بـ آخِر سكونيقلبي بـِ رفّات العلم مسكونروحي بـِ "فجر الجرد" مسكونِهدعسة العسكر كتْبِت القانونوَحدو الإستقلال قانونيانْحطّيت ع بواب البلاد عيونعيوني عا خيط الريح مسنونِهعا قَدّ ما ضفر النسر مسنونوللناس يللّي ما بيعرفونيفي سلسلِه عالشرق… لو ما كونما كان في بالسلسلِه قونِهالقاع اسمي… مشيت فوق الحرقوشمِه عا كتف الشمس عنوانيصيفيّتي غَمضِت عيونو الزرقوفَضّا ركاوي العتم فنجانيشتوِيّتي سحبة رماح البَرقوهَدر الرعد صوتي وعنفوانيعم بكتب وراقي بـِ حبر العرقوينقح قصيده وجّ لبنانيولا تسألوني كيف صرت الفَرقوفَيَّقت سيفي بـ كَفّ إيمانين كان الجبل مدبح بِـ دير الشرقبْيوتي أنا فْتافيت قربانِهبْـ يوم العِدا قَلبي صخر مشدودبْيِدعَس بِـ نُصّ الجمر… ما بيِسألوعالمعركه لْ بِيكون اسما "وْجود"دَمّي قبل ما انزَل بْيِنزَلكرمال حَقّي وَقّفو عامودوالظلم يشرب سطوتي ويدبَل… القاع اسمي زْرَعت أرضي حدودوتَقَّلت حالي بْـ حال عم يِتقَللْ بِيجنّ جِنِّلّو مع البارودالإرهاب إلاّ بْـ نار ما بْيِعقَلوعَنّي تا إمحي مروق هاك السودتْخَلَّد عا جردي دَعس المْجَوقَلركوعي صلا… جَمَّع شعب مقسومما بْيَعرِف التاريخ يختصروشلشي أرز… من تربتي ما بقوممجدي مع بعلبك شقع قصرومن قبل ما تلوّن زمن مرسومعصري أبد… كل الوقت عصروقيامتي قيامة وطن ع غيومباصم جبين الشمس عا خصروكنّست عن سطح الليالي نجومورشّيت عالعسكر بعض نصرويوم اللّي غدرتني رياح الهَمّوالشَرّ وَدّا عالأرز غربانسكّرت بابي بـ وجّ هاك السَمّوزَفَّيت بيـ عرس الوطن فرسانبَخّور روحُن ضَلّ تا ينشَمّمن بعد ما تتدحرج التيجانالقاع اسمي القاع… قلبي أمّولادي انجرحو تا يجي نيسانتحت النزف يبّست خيط الدَمّوقطّبت بـ جْروحُن جرح لبنان#نعمان_الترسشاعر لبناني