كتب الشاعر بلال شرارة رئيس الحركة الثقافية في لبنان / صلاة لراحة نفس عصام العبد الله

كتبَ أ. بلال شرارةصلاة لراحة نفس عصام العبدالله______________________________ - كيفكم ؟ اشتقنالكم شو بتعملوا بموتكم ؟ كل الوقت نوم ؟بتروحوا ٠٠ بتجوا ؟ بتتعمشقوا ع التين ؟ عم تسرحوا ع حِلْ شعر السنديان ؟ بكتبوا اشعار ( بفرق الوقت)! قبل الصبح ؟ بتشموا هوا ٠٠ و الورد ؟ شو بتعملوا بموتكم ؟ بتتحاربوا ٠٠ ؟ شو سلاحكم ؟ حكمة عمر! في عندكم شمس و قمر ؟ في عندكم تفاح ؟ بتسكروا ع القمح بالمفتاح ؟ - الارض حُبْ و صلا و افراح القمح ملو السهل و الناس كلن اهل فلسطين كِلا انبيا والقدس ما في شك فيها النبي محمد و فيها المسيح و ما فيها عسس طاهره من غير دنس -شو بتعملوا بالموت ؟ - بالموت مافي كذب ما في حدا بيسرق حدا بيقتل حدا بيغار بالموت بيموت فينا الشر بظل فينا الزيت والزيتون و الخبز و الملح والكمون وطفل بيكاغي و نهرين عسل ولبن ٠٠ عسل و لبن و شبين بنت وصبي بيتعلموا الرمان طعمهم توت الزمان - شو عامل بوقت النوم بعد الظهر بالموت ؟بعدك ( ألف الحكي ) وعم تكتب شعر ؟ عندكم بيروت ( سلة عناقيد الضيع) ؟ في عندكم صيدا ٠٠ زغرتا ٠٠ وصور ؟ - صيدا الحقيقة وصور صيدا الحقيقة و صور بيت النور - في عندكم عتمة و ليل ؟ بتكتبلنا احلام ؟ بتكحلا بريشة حكي ٠٠ بتلمعا بالضو عنا الليل عتمة والحلم كابوس و الفقر قاعد ع قلب جيوبنا ما عاد معنا فلوس وبقهوة ( الروضة ) صوت الملك محبوس بالزاويه مطرح م كانت ترّقص الكلمةالكرسي فاضيه ٠٠كلمه وصدى نزولو ع شط البحرحتى يلعبواضاعوا و انطفى الفانوس بتذكرك والله ما بنسأك يمكن عدا كنا ٠٠ يمكن صحاب بنفهم ع العصافير شو بتحكيع صوت الموج غ غمزة اللوزة و عارفين انو حدودنا حدود الممالك من ورق - مشتقلكم شو بتعملوا بموتكم ؟ - انتو بتعملوا بحالكم ؟ لا شغل ٠٠لا كهربا ٠٠ لا مي ٠٠ لا حكومه و الناس مأزومة - فاكر انا نفس الوضع عم بتسكتوا و بتعربوا فعل الامر ؟وبكرا اذا مرق الوقت ع السكت ٠٠ ع رؤوس صابيعوبتتفاجأوا انو الوطن مرهون انتو ٠٠ ولادكن ٠٠ احفادكن٠٠الحجه منيرا و الدعا وقاسم!- وانتو شو بتعملو بموتكم؟ -بنموت ! بنصحى ع راحتنا