سامر دياب / ياشام

يا شام بتبقي معنا
.............وبالحق منبقى سياجك
الله العالي بيجمعنا
..............وعليت للمجد براجك

شام حكاية ما بتخلص
...............تاريخ ومضوي بالنور
وحبّك فينا ما بينقص
...............والعاشق فيكِ معذور

يا شام ربينا بحضنك
................علّمتينا نكون كبار
مارح نتخلى عنك
..............وحياتك لو شو ما صار

شام الماضي  الحاضر
................شام العزة والنخوة
لا عالبال وعالخاطر
.................حبك اعطانا القوة

سطّرتي المجد من عصور
..............بقيتِ بأرضك منصورة
لو تعرف تحكي لسطور
.............وتحاكينا الإسطورة

غيّرتِ التاريخ   وبعد
................حبك فينا ما تغيّر
رح نبقى والله عالوعد
...............وبيتك يرجع يتعمر

شام منرفع فيك الراس
...............ومنّادي بصوت العالي 
كنتِ وبتضلّي الأساس
................وترابك حر وغالي

بالساحة منرفع رايات
...............وبالهامات نحييها
سوريا أروع كلمات
................والكون بيكبر فيها.