بميلادك رح نضوي شموع
ونطلب رحمة من الله
دخل عيونك يا يسوع
تنوّر عالدنيا كلا
تشفي هالوطن الموجوع
وعنّو لا لا تتخلّى
من عيون ومليانة دموع
تحاكي العدرا وتقّلا
يا عدرا صوتك مسموع
ونورك فينا بيتجلّا
سوريا نزفت ينبوع
وشعب الكون بيتسلّا
صلّينا من سنين ركوع
تزول الغيمة من محلّا
وننال الحق المشروع
وصوتك فينا بيتعلّا
بعزّة ونخوة ما منجوع
وعنك ما رح نتخلّا
سوريا وراسك مرفوع
وشعبك ما بيرضى بإلا
يضل الجذر ويعطي فروع
ويبقى العيد بقلب الشام
ينوّر عالدنيا كلّا
يسرنا انضمامكم لقناتنا على تيلغرام : انقر هنا
