في ظل الظروف الصعبة التي يمر بها السوريون، عبرت الفنانة شكران مرتجى عن استيائها من الوضع في سورية وذلك عبر منشور على صفحتها الشخصية عبر مواقع التواصل الاجتماعي قائلة: مابدنا نسافر بنحبهاااا ، مابدنا نهاجر مالنا غيرهاااا، ذكرياتنا حياتنا إنتصاراتنا حتى هزائمنا، لك مو الياسمين اللي بنضل نحكي عنه مافي مي نسقيه جواتنا".
وأضافت: أنا مثلاً ممثله بدي سافر شو بدي روح أشتغل؟ بس تعبنا أنكسرنا أنهزمنا إحساس بالعجز كل الوقت".
وتابعت: أول مره بحياتي بفرح أنه ماعندي ولاد وحياة الآلهة وأنا اللي حلمي كون أم، كنت تنتظر رسالة من حبيب هلق بنتظر رسالة مشان البنزين واذا تأخرت بيغلى قلبي "
وأشارت: "حركتي محدده احد وتنين لانه التلاتا بتصل الرساله إذااااا وصلت"
وحذرت بطلة مسلسل "وردة شامية" من الفهم الخاطئ لما كتبته قائلةً: "ولهلق بيطلع حدا بيقول فنانين ومعكم مصاري لك اي مصاري بدك بير بترول مو مشان الكهربا ومشتقاتها مشان تصرف وتلحق ع كل شي،
المي البارده صارت ترف ياجماعة، الكهربا لك من كتر مو مشتاقتلها مشتهية أتكهرب".
وشددت على انتمائها الوطني معبرة: "ماتقولوا مالي وطنيه لك من كتر ما بحبه لها الوطن وبحسه أمي عم أحكي، بس للأسف عم حس مالي بنته وملاقيني بشي مكب زبالة وربوني ويمكن حدا يقول ضيعان الترباية فيكي".
لافتةً إلى :" منعرف في عقوبات وكو+ر+و+نا وكنا بحـ، ـرب، مشان دروس الوطنيه اللي هلق رح تندلق علينا، من اللي متوفر عندهم كل شي".
وختمت مرتجى:" لك لما بشوف صور الشام عالتلفزيون ببكي أشتقتلها أشتقتلها وأنا فيهاورح أبقى، والشام يعني سوريا كلها".
يسرنا انضمامكم لقناتنا على تيلغرام : انقر هنا
