آخ يـا وطـنـي

آخ يا وطني ... فكر ومنظور إنساني .. على حكر ومرض أفغاني .. شعب عم يموت .. بس مين عم يسمع الصوت !؟ كهربا !! .. بيقولولك " فكرك صافي .. ونورك كافي .. وجسمك شافي " وبين شافي وإنيستا وساعات التقنين .. وصرخات الشعب والمسبات والأنين .. بتستمر , لحتى تخف مواعيد قطعة الكهربا .. بكل الأحوال عم ناكلا , وكيف ما كان عم نشربا .. بتقل ساعات التقنين .. ما صدقنا ,, متل العم يشوف ديناصور أو تنين ! والمسبات والعياط .. بيصيروا دعاء .. . . والشعب السوري بيضل طيب القلب .. بالسلم , أو بالحرب .. على وجه مواطن .. بريء ببيتو قاعد ساكن .. . . وإذا بدنا نحكي عن التدفئة .. صار لازم نعمل بالكلام محرقة .. عم انطر بيدون المازوت .. ومن بردي واقف رح موت .. الغاز ,, حالياً مفقود ..  والي عندو جرة معباية .. محسود مفروض يساعد غيرو , وما بيعرف كيف ؟ عم يفكر يولع هالجرة .. حتى يرتاح ويريح بالمرة .. .آخ يـا وطـنـي