مع مشروع الاصلاح الادري راح حصل حقي

سبع سنين ومن يوم مابلشت هالمؤامرة الكونية علينا , ونحنا ندرنا الغالي والرخيص كرمى لعيون قائدنا وهالوطن كرمى لوجودنا واستمراريتنا وعزنا وشرفنا وكرامتنا كرمى لولادنا يعيشوا متل ماعشنا يقدروا وين ماراحوا يرفعوا راسهم ويقولوا بكل فخر نحنا سوريين وللأسف كمان بهالسبع سنين عاثوا الفاسدين وعديمي الأخلاق والضمير والوطنية الفساد بهالوطن , وأجرموا بحقنا وبحق الوطن , الوطن نفسه اللي اتنفسنا هواه وأكلنا من خيراته سكتنا كتير , وبلعنا الشوك ووقف بحناجرنا , وكبسنا عالجراح أسيد مو ملح سكوتنا ماكان ضعف , كان تقدير منا لأنو الوطن عم يمر بمرحلة خطيرة وفي شي أهم وأبدى واللي هوي النصر لكن بعد ماطلع سيد الوطن وعظيم هالأمة وأعطى توجيهاته وأبرم قرارته بمحاربة هالفساد وبدء مشروع الإصلاح الإداري , تنفسنا الصعداء صار فينا نحكي صار فينا نحكي وجعنا صار فينا نطالب بحقوقنا صرنا أعمدة مهمة وجسور متينة وحصون منيعة خلف سيادته لنحارب الفساد ونقول للغلط غلط ويقدر معنا وبهمته وبهمتنا أنه ينجح هالمشروع اللي هوي لبنة إعادة أعمار هالوطن الإصلاح الإداري اللي بيخص كل دوائر ومؤسسات هالحكومة من قاعدة الهرم لرأسها وبدون استثناء الإصلاح الإداري اللي بيحارب الفساد والمحسوبيات والمسؤولين عن فسادهم وعن تقصيرهم ووضع الرجل المناسب في المكان المناسب إعطاء كل ذي حق حقه والأهم من هاد كله تحصيل حقوق المواطنين والموظفين ومحاسبة الفاسدين والمقصرين , للأسف في مين فهم المشروع وقزّمه لصار مشروع الإصلاح الإداري هوي نزع الفيميه عن السيارات وخلافه من الممارسات اللي شفناه بعد إنطلاق هالمشروع هالمنشور هاد هوي رسالة ونداء لكل سوري شريف مواطن أو موظف بإنه ينادي معنا ويكون عضو فعال ومهم وأساسي بهالمشروع هاد ويكتب وجعه ومشكلته وينشرها عصفحته لنقدر نقوم ونكون سند وعون لقائدنا وربان هالسفينة بأنه ينجح هالمشروع أنا هلق عطيت فكرة وبعد قليل رح نزل منشور بوجعي وعلى ثقة ويقين بإنه صوتي رح يوصل ومنشوري رح يجيب نتيجة وهالشرفاء رح يعملوا متل مارح أعمل الشي رح نعمله هلق بعد ماعطانا الأمان معلمنا وقائدنا وهوي اللي طرح هالمشروع ورح يمشي فيه وأكيد كلنا وراه أنو كل شخص يكتب فينا وجعه ومشكلته مع دوائر المؤسسات الحكومية بهالبلد ووين في تقصير أو ظلم أو أو وآخر المنشور يحط الهاشتاغ هاد ‎مع #مشروع_الاصلاح_الاداري #رح_حصل_حقيلمى توفيق عباس