سورية الحدث _خاص
ما منتعود على شي الا اذا مات فينا شي
شفت هي جمله بمسلسل من المسلسلات أثرت فيي كتير
بهي جمله مية معنى ومعنى أكتر من قصة وقصة
_كلنا منعرف انو المرة الاولى من اي شي هي تجربة ولمامنكرر تجربة شوي شوي منبلش نتعود سواء اكان شي منيح ام لا..
_فمثلا" النجار شوي شوي ببتعود على صوت نشر الخشب ..
والحداد صوت طرق الحديد ..
هون خلايا الأذن ماتت ..مامنتعود على شي الا اذا مات فينا شي.
_او اللحام لامنظر الدم بيرعبوا ولا ريحتو حتى وبتلاقيه مبسوط طبعا هي شغلتوا ورزقتوا..
خلايا الأنف ماتت..مامنتعود على شي الا اذا مات فينا شي .
_وهيك مع قصصنا وذكرياتنا ومشاعرنا ..
_مع الأسف بهي الأيام بالذات العالم مات فيها الف شي وشي..
منوين منبلش مات الضمير العالم ماعاد ترحم بعضها ماعاد في حنية ..القسوة مليانة بالقلوب..
_او مات الوعي وتخدرنا من كتر القصص يلي صارت وعم تصير معنا..
_ماتت اللهفة انطفت ..بتلاقي العالم بالشوارع يادوب الها حيل تمشي ..
_ يلي شايل هم اولادو برا البلد يلي سافروا وهاجروا وتركوه ..
_ويلي عم يعمل الف حساب كيف يأمن الأكل لعيلتو ..
_ويلي شايل هم بكرا ..ويلي خايف من اليوم..الأطفال يلي فقدوا _اهلن ملو طرقات ..
_ياترى شوممكن بعد بصير ..
ضحايا حرب
يسرنا انضمامكم لقناتنا على تيلغرام : انقر هنا
