شبكة سورية الحدث


قصيدة ياجولان

قصيدة ياجولان

سورية الحدث 
يَ جولان  اللّي  راسِخ  في  خَيالي
أنا إبنك  وفيك  بشوف  حالي
عاشو  فيك  أجدادي  الأبايا
وكانو ع  البساطة  والأصالي
صِرِت  إسّأل  عن  الناس  السخايا
إجا  التاريخ  جاوب  عاسؤالي
شجر  تفاح  من  عاطي  العَطَايا
وشجر  زيتون  زَيّتو  عم  يلالي
وخبز  تنور ع  كفوف  الطَرايا
بِ معجن  خير  طايف  ع الأهالي
جَبَلنا  شيخ  عم  يحكي  حَكايا
جَبل  شايب  مقامو  كتير  عالي
عَطا ل  ضْياعنا  النَسمِة  هَدَايا
تَ صار  الجَو ب  بلادي  مِثالي 
جَمَال  بلادنا  بكل   القَرَايا
طبيعه  ساحرة  ب تعطي  دلالي
بتشفى  الروح  فيها  والروايا
بِ وقت  الفجر  نَسمِة  عطر  غالي 
وحامل   شعبها  أجمل  مزايا
بطهارة  دمعتو بيكتب   مقالي
بِ وَقت  العرس  يلتَمِو  الرَعايا
ع صَوت  المِجوِز  ل خاطِر  بِ بالي
دَبكِة  تِعّمَر  بْطِيب  النَوَايا
وعَجَاج  غْبارها  عايِش  الحالي
شِعري خالد   حروفو  نقايا
بِ إلهامو  عَطَا  رَونَق  وهالي
ل جَولان  الحلو  وأهلو  البَرَايا
وفا عندي  ل هالناس  الأكابر
رسالة  حُب  وصلت  ها الرسالي
-------------------------
شعر مدين رحال

التاريخ - 2023-03-24 12:02 PM المشاهدات 457

يسرنا انضمامكم لقناتنا على تيلغرامانقر هنا


تصويت
هل تنجح الحكومة في تخفيض الأسعار ؟
  • نعم
  • لا
  • عليها تثبيت الدولار
  • لا أعلم