فلم ليلة رصاص الرعب بجرمانا ؟!!!

فلم ليلة رصاص الرعب بجرمانا.. اسئلة صريحة بحاجة لإجابات ▬▬▬▬▬▬▬▬▬▬▬ ليلة راس السنة لاحظنا وجود استنفار لعناصر من الدفاع الوطني والشباب بكتائب البعث، وهاد الشي كان مصدر تقدير من قبل الجميع من الطبيعي نشكر شخص فضل يسهر على امن جرمانا على الاحتفال مع العائلة أو الاصدقاء.. لحظة دخول العام الجديد تفاجئ الكل بغزارة النيران وكمية الرصاص "الابتهاجي" المثير للخوف والرعب، وهون في عدة حقائق لازم نوقف عندها: أولاً: بنسبة ٩٠٪ كان إطلاق النار من اسلحة حربية رشاشة. السؤال هون: مين يلي اطلق النار؟ ثانياً: من البديهي الشعب "العادي" يحتفل بالالعاب النارية، والحقيقة احتفال الاسلحة النارية كان الاقوى. وخلف عدة إصابات واضرار. ثالثاً: تصدير خبر زيارة السيد الرئيس لجوبر كسبب ومبرر، مجرد محاولة لدس السم بالعسل. لا يلي بالشارع عرفان تحركات الرئيس، ولا السيد الرئيس مع هاد النوع من اثارة الخوف والفزع. أساساً الرئيس زار يلي موجه بندقيتو بالاتجاه الصح.. واطلاق النار سبق انتشار الخبر. مشهد من احد الاحياء بجرمانا: امرأة بلباس قصير شبه شفاف لفوق الركبة بنص متر عشباك احد الابنية، اطلقت من بندقية روسية اكتر من ٤٠ طلقة بالهوا.. طبعاً كان في وراها واحد من "الاحصنة" يلي تزكروا متأخرين انو في قانون ودولة ولبسوا البدلة وطولوا لحيتون مع استلام الروسية.. انا شاهد على هالحكي، ولما شافوني جهزت تيلفوني لصور المشهد قرروا ينهو الاكشن ويهربو لجوا.. سؤالي الأخير.. هي الذخيرة ببلاش ؟؟ هاد السلاح لنقاتل في السما ؟ او مثلاً لينحط بأيد العاهرات ؟؟ مابدنا فقط اجابات .. بجوز لانها معروفة بدنا افعال تكف يد المسيء، وتحمي صورة الوطني الشريف. سورية الحدث - صفحة أخبار جرمانا