وزير سابق ...ما حدا فيه ينكر !

من صفحة الوزير السابق نضال الشعار..سوريا الحدث ما حدا فيه ينكر كان في حقد على فساد النظام .. ما حدا فيه ينكر كان في حقد بين ابن الريف و ابن المدينة .. ما حدا فيه ينكر كان في حقد بين الغني و الفقير .. ما حدا فيه ينكر كان في حقد بين المتدين المتزمت و المتحرر .. ماحدا فيه ينكر انو كان في اعتقالات مصلحية عشوائية ابتزازية .. ما حدا فيه ينكر انو كان دايما في خيار و فقوس .. ما حدا فيه ينكر انو بعض الناس تحسنت مستوى حياتها بعد عام ال ٢٠٠٠ .. ما حدا فيه ينكر انو مبالغاتنا مع تركية و قطر كانت خارج المنطق و المعقول .. ما حدا فيه ينكر انو بسبب غرامنا مع هالبلاد دمرنا بلدنا .. ما حدا فيه ينكر انو البطالة في ٢٠١٠ كانت مخيفة .. ما حدا فيه ينكر انو حكوماتنا كانت عمتضحك و بتكذب علينا .. ما حدا فيه ينكر انو غباء حكوماتنا و قلة خبرتهم دهورنا .. ماحدا فيه ينكر انو المنيح فينا طفشوه و هجروه و ما كان بدهم ياه .. ما حدا فيه ينكر انو كان في أوغاد استغلت الطائفية .. ما حدا فيه ينكر انو الحزب كان مطية و وسيلة للكثير .. ماحدا فيه ينكر انو الشهادات و الدكتورات صارت للبيع .. ماحدا فيه ينكر أنو التعليم صار أقرب إلى الزبالة .. ماحدا فيه ينكر انو كان في شوية نية للاصلاح بس ما زبطت .. ماحدا فيه ينكر انو لو انتظرنا شوي لكانت الأمور نسبياً أفضل .. ماحدا فيه ينكر أنو استعجلنا كل طرق المعالجة .. ماحدا فيه ينكر انو ما ضل ابن كلب الا و دخل لسورية .. ماحدا فيه ينكر انو خسرنا قرارنا لصالح بعض الأوغاد من الخارج .. ماحدا فيه ينكر انو طلع مننا زبالة مرعبة ما كانت متوقعة .. ماحدا فيه ينكر انو كل الرومانسية عن المحبة و التآلف تفاهة و وهم .. ماحدا فيه ينكر انو اغلبنا بحاجة إلى إعادة تأهيل .. ماحدا فيه ينكر انو قاربنا على الانتهاء .. ماحدا فيه ينكر أنو إذا ضلينا هيك ...... ما عاد رح يكون في سورية .. طيب الكل انتقم و ضرب و قتل .... ما بكفي ؟؟؟؟ ما رح تخلص التارات ؟؟؟ خلص صفيتو حساباتكم ... وقفو و خلصونا .. "كلنا سورية"